என் வெற்றிக்கு பின்னால்…? - விஜய் நெகிழ்ச்சி!!!

3rd of August 2015

சென்னை:விஜய், ஸ்ரீதேவி, ஸ்ருதி ஹாசன், ஹன்சிகா, சுதீப், நந்திதா, தம்பி ராமையா, பிரபு முதலானோர் நடிப்பில் சிம்புதேவன் இயக்கியிருக்கும் ‘புலி’ படத்தின் ஆடியோ விழா நேற்று மாலை சென்னை மகாபலிபுரத்தில் மிகப் பிரம்மாண்டமான முறையில் நடைபெற்றது. அப்போது விஜய் பேசும்போது,

‘‘ரொம்ப நாளா ஒரு சரித்திர ப

டத்தில் நடிக்கணும்னு ஆசை இருந்தது. அதே நேரத்துல அதுல கமர்ஷியல் எலிமென்டஸும் இருக்கணும்னு நினைப்பேன். அது இந்த ‘புலி’ படத்துல நிறைவேறியிருக்கு! இப்படத்துல எனக்கு ஜோடிகளா இரண்டு பெண் புலிகள் நடிச்சிருக்காங்க. ஒருவர் புலிக்கு பிறந்தது பூனையாகாது என்று நிரூபிச்சிட்டிருக்கிற ஸ்ருதி ஹாசன். இன்னொருத்தர் மும்பை நமக்கு கொடுத்திருக்கிற ‘இரண்டாவது குஷ்பு’ ஹன்சிகா. அத்துடன் இப்படத்துல முக்கியமான ஒரு கேரக்டர்ல தனது அழகாலும், நடிப்பாலும் இந்தியாவையே கட்டிப்போட்ட ‘சிவகாசி மதாப்பு’ ஸ்ரீதேவி மேடம், கன்னட சூப்பர் ஸ்டார் சுதீப் மற்றும் பிரபு சார், தம்பி ராமையா சார், நந்திதா என பலர் நடிச்சிருக்காங்க.

’23-ஆம் புலி கேசி’ படத்துல நம்ம எல்லாரையும் ரசிக்க வைத்த, சிந்திக்க வைத்த சிம்புதேவன் தான் ‘புலி’ படத்தை கையாண்டிருக்கிறார். மும்பைல ஒளிப்பதிவாளரா இருக்கிறவர் ‘நட்டி’ நட்ராஜ் சார். அவர் ‘சதுரங்க வேட்டை’ எல்லாம் ஆடினாரு. இதுல ‘புலி வேட்டை’ ஆடியிருக்கிறார். இப்படத்தின் இசைக்கு டி.ஸ்.பி., பாட்டுக்கு வைரமுத்து சார், கலை இயக்கத்துக்கு முத்துராஜ் சார், கிராஃபிக்ஸுக்கு கமலகண்ணன் சார் என பெரிய கூட்டணி அமைஞ்சிருக்கு இந்த ‘புலி’ படத்துல!

வழக்கமாக பரீட்சைக்கு எழுதுகிறவங்க நிறைய பேர் இருப்பாங்க. மார்க் போடுறவங்க கம்மியா இருப்பாங்க. ஆனால் இப்போது பரீட்சை எழுதுறவங்க கம்மியாவும், மார்க் போடுறவங்க அதிகமாகவும் இருக்காங்க. ‘புலி’க்கு எத்தனை மார்க் என்பது பரீட்சை எழுதியிருக்கிற நாங்க சொல்லக் கூடாது! மார்க் போடுற நீங்கதான் (ரசிகர்கள்) சொல்லணும். பாட்டை கேட்டு சொல்லுங்க, படத்தை தியேட்டர்ல பார்த்துட்டு சொல்லுங்க.

தயாரிப்பாளர்கள் கடன் எல்லாம் வாங்கி படம் தயாரிக்கிறாங்க. எத்தனை யோ பேர் அதுல உழைப்பு போடுறாங்க. ஆனால் எத்தனையோ பேர் எதுவும் போடாமல், படத்தை ஃபோன்ல் படம் பிடிச்சு நெட்டுல போட்டு எங்களோட பொழப்புல மண்ணை அள்ளிப் போடுறாங்க. இப்பல்லாம் ஒரு படத்துக்கு நிறைய ப்ளான் பண்ண வேண்டியதா இருக்கு. அதான் சொல்றாங்களே… மோஷன் மோஸ்டர், ஃபஸ்ட் லுக், செகன்ட் லுக், டீசர் அப்படின்னு…! முன்ன எல்லாம் ஒரு டிரைலர் வெளியிடுவாங்க! அதோடு சரி! சரி, அதை விடுங்க! இப்படியெல்லாம் ப்ளான் பண்ணி ஒரு படத்தை எடுத்தா யாரோ ஒருவர் திருட்டுத்தனமாக அதை ஃபோன்ல எடுத்து… அப்படி ஒரு பொழப்பு நடத்துறாங்க! அதுல என்ன சந்தோஷம், என்ன சாதிக்கிறாங்கன்னு தெரியல. . இதை எனக்காக, என் படத்துக்காக மட்டும் நான் சொல்லலை! எல்லா ஹீரோக்களுக்காகவும் தான் சொல்றேன். இந்த செயலை எப்படி எடுத்துக்கலாம் என்றால் வயித்துல ஆரோக்கியமா வளர்ற ஒரு குழந்தையை, சுகபிரசவம் ஆக வேண்டிய ஒரு குழந்தையை சிசேரியன் பண்ணி சாகடிக்கிற மாதிரி! என்ன பண்றது?

எனக்கு உண்மையா ஒருத்தரை வெறுக்க தெரியும், ஆனா பொய்யா ஒருத்தரை நேசிக்க தெரியாது. நமக்கு பின்னாடி பேசுறவங்களை பற்றி நினைக்கவே கூடாது. அவங்களை நாம் எப்படி இரண்டு அடி தாண்டி போகணும்னு தான் நினைக்கணும். என்னோட ஆரம்ப காலத்துல நான் எத்தனையோ விமர்சனங்களை எதிர்கொண்டிருக்கேன். அதையெல்லாம் பெரிசா எடுத்துக்கிட்டிருந்தால் நான் இன்று உங்களுக்கு முன்னாடி இருந்திருக்க மாட்டேன். எப்போதும் எல்லோரும் சொல்வாங்க என்னோட வெற்றிகு பின்னாடி ஒரு ஆண் இருந்தாங்க, இல்லை ஒரு பெண் இருந்தாங்கன்னு! ஆனா என் வெற்றிக்கு பின்னாடி நிறைய அபமானங்கள் தான் இருந்திருக்கு! அதை நான் என்னை வேகப்படுத்திக்கிற மெஷினாகவோ, எரிக்கிற பெட்ரோலாகவோ எடுத்துக்கலை. அப்படி எடுத்திருந்தா இப்போது உங்க முன்னாடி இப்படி நான் நின்னு பேசியிருக்க மாட்டேன்.

இந்த வாழ்க்கை அடுத்தது என்ன என்று தெரியாத வாழ்க்கை! அதனால் முடிஞ்ச வரையில எல்லோரையும் சந்தோஷப்படுத்த பாருங்கள். இந்த வாழ்க்கை அரத்தமுள்ளதாக இருக்கணும். இந்த வாழ்க்கை கொடுத்த ஆண்டவனுக்கும் என்னுடைய ரசிக பெருமக்களுக்கும் நன்றி, வணக்கம்’’ என்றார்.

திருமண வாழ்க்கை நல்லா போயிட்டிருக்கு: ராணி முகர்ஜி!!!

3rd of August 2015
சென்னை:பிரபல இந்தி நடிகை ராணி முகர்ஜி இந்த ஆண்டு யாஷ் ராஜ் ஃபில்ம்ஸ் அதிபர் ஆதித்யா சோப்ராவை திருமணம் செய்து கொண்டார். தற்சமயம் திருமண வாழ்க்கையை முழுமையாக அனுபவித்து மகிழ்ந்து வருவதாக தெரிவித்திருக்கிறார்.

ஆகஸ்ட் 2015 வோக் இதழில் அவர் அளித்திருக்கும் பேட்டியில் தான் நடித்துள்ள படங்கள் பற்றியும், தன்னுடைய எதிர்கால திட்டங்கள் பற்றியும் தெரிவித்திருக்கிறார்.

நீங்கள் திரைப்பட தயாரிப்பிலோ, இயக்கத்திலோ ஈடுபடப் போகிறீர்களா?

செய்யக் கூடாது என்று இல்லை. நான் விருப்பப்பட்டால் அதை யாரும் தடுக்கப்போவதில்லைதான். இருந்தாலும், இந்த நிறுவனம் மிகவும் கடினமான உழைப்பினால் இந்த உயரத்தை அடைந்திருக்கிறது. என் கணவர் ஆதி கடின உழைப்பாளி. அவர்தான் முதல் ஆளாய் வருவார். வேலை முடிந்து கடைசி ஆளாய் தான் செல்வார். அப்படிப்பட்ட அவரின் உழைப்பு இந்த உயர்விற்கு ஒரு முக்கிய காரணம். அதை உற்றுக் கவனித்துக் கொண்டிருப்பதால், நான் செய்யும் எந்தவொரு காரியத்தினாலும் அவருக்கு சின்ன சிரமம்கூட வந்துவிடக்கூடாது என்கிற கூடுதல் அக்கறையோடு, எது செய்வதானாலும் செய்ய வேண்டும் என்கிற எண்ணம் எனக்குள் இருந்துகொண்டு என்னை நிதானிக்க வைக்கிறது. தற்சமயம் திருமண வாழ்க்கையை மகிழ்ச்சியோடு அனுபவித்து வருகிறேன். வேறு எந்த வேலையும் செய்யாமல்.

அடுத்த ஐந்து ஆண்டு காலத் திட்டங்கள்?

சில தரமான பெண்ணிய படங்களில் நடிக்க வேண்டும். பிறகு அன்பான குழந்தைகள் பெற்றுக் கொள்ள வேண்டும்.

அவரின் சமீபத்திய படங்களான நோ ஒன் கில்ட் ஜெஸிகா மற்றும் மார்தானி போன்ற படங்கள் அவருக்கு நிறைவான மரியாதையை பெற்றுத் தந்திருக்கிறது. அதற்குக் காரணம் தன்னுடைய கணவர் ஆதித்யா, ஷாருக்கான், அமீர்கான் என்கிறார்.

ஆதித்ய சோப்ராவிற்கு தன்னை ஷாருக்கான் அறிமுகப்படுத்தினார். பின்னர், 1998-ல் விக்ரம் பட்டிற்கும், முகேஷ் பட்டிற்கும்  குலாம் பட நாயகன் அமீர்கான் தன்னை சிபாரிசு செய்தார். அதனால் தான் தன்னால் குலாம் படத்தில் அறிமுகமாக முடிந்தது என்கிறார். ஆகவே அந்த மூன்று நபர்களுக்கும் என்னுடைய நன்றி என்றென்றைக்கும் உண்டு என்கிறார்.

கரன் ஜோகர் கோபக்காரர். குச் குச் ஹோத்தா ஹை படத்திற்காக என்னை எடையை குறைக்கச் சொன்னார். அப்படியே செய்தேன். 20 வயதிலேயே 37 வயது பெண் கதாபாத்திரத்தில் நடித்திருக்கிறேன். நான் குழப்பத்தில் எந்த முடிவையும் எடுத்ததில்லை. ரசிகர்கள் என்னிடம் என்ன எதிர்பார்க்கிறார்கள் என்பது என்பதை மனதில் வைத்துக்கொண்டு தெளிவாகவே எனக்கான முடிவுகைள எடுக்கிறேன் என்று அந்த பேட்டியில் தீர்க்கமான பார்வையோடு தெரிவித்திருக்கிறார்.

ரூ. 500 கோடி வசூலை எட்டிய பாகுபலி! ஆச்சரிய விவரங்கள்!!!

3rd of August 2015

சென்னை:தெலுங்கு, தமிழ், மலையாளம், ஹிந்தி ஆகிய மொழிகளில் உருவான பாகுபலி படத்தில் பிரபாஸ், ராணா டகுபதி, அனுஷ்கா, தமன்னா ஆகியோர் நடித்துள்ளார்கள். ராஜமெளலி இயக்கியுள்ளார். வசூலில் நாளுக்கு நாள் ஆச்சரியப்படுத்தும் இந்தப் படம், இப்போது இரு புதிய சாதனைகளைச் செய்துள்ளது.

முதல் 2 நாள்களில் 100 கோடி வசூலைத் தொட்டு தனது சாதனையை ஆரம்பித்த பாகுபலி, அடுத்ததாக 5 நாள்களில், 200 கோடி ரூபாய் வசூலை அள்ளிய முதல் படம் என்கிற அடுத்தச் சாதனையை நிகழ்த்தியது. அதன்பின்னர், முதல் 10 நாளில் 355 கோடி ரூபாயை வசூலித்த படம் என்கிற நம்பமுடியாத சாதனையையும் செய்தது. அதுவரை எந்த ஒரு இந்திய சினிமாவும் முதல் 10 நாள்களில் 350 கோடி ரூபாய் வசூலைத் தாண்டியதில்லை. இதற்கு முன்பு அமீர் கானின் பிகே படத்துக்கு, 300 கோடியைத் தொட 17 நாள்கள் ஆயின.

இப்போது புதிதாக இரு சாதனைகள். 

ஹிந்தியில் டப் செய்யப்பட்ட பாகுபலி, யாரும் எதிர்பார்க்காத வசூலைப் பெற்றுள்ளது. முதல் 5 நாளில் ரூ. 35 கோடியைத் தொட்டபோது 100 கோடி வசூலைப் பெறுமா என்கிற கேள்வி எழுந்தது. அது இப்போது உண்மையிலேயே சாத்தியமாகியுள்ளது.

ஹிந்தியில் டப் செய்யப்பட்ட படங்களில் அதிக வசூலான படம் என்கிற புதிய சாதனையைப் படைத்துள்ளது பாகுபலி. இதற்கு முன்னர் எந்திரன் தான் இந்தப் பிரிவில் முதலிடத்தில் இருந்தது. ஞாயிற்றுக்கிழமை கிடைத்த வசூலோடு இதுவரை ஹிந்தி பாகுபலி மட்டும் ரூ. 100 கோடி வசூல் செய்துள்ளது.  இதன் இன்னொரு சாதனைதான் உச்சபட்சம்!

விசாரணை வெல்லுமா? நம்பிக்கையுடன் காத்திருக்கும் ராம்!!!

2nd of August 2015 

சென்னை:இயக்குனர் வெற்றிமாறனின் ஒவ்வொரு திரைப்படமும் இன்றளவிலும் தமிழ் சினிமாவில் தனி இடத்தை பெற்றிருப்பதோடு, தேசிய விருதையும் பெற்றிருக்கின்றன. இந்நிலையில் வெற்றிமாறனின் இயக்கத்தில் உருவாகி ரிலீஸுக்கு காத்திருக்கும் விசாரனை திரைப்படமும் மிகப்பெரிய அங்கீகாரத்தை பெற்றிருக்கின்றது.

வெற்றிமாறனும், தனுஷும் இணைந்து தயாரித்த காக்காமுட்டை திரைப்படத்தை முதலில் திரைப்பட விழாக்களுக்கு அனுப்பி அந்த படமும் பல விருதுகளைப் பெற்று பின்னர் ர்லீஸ் செய்யப்பட்டது. காக்காமுட்டை திரைப்படத்தின் புரமோஷனுக்கு இது மிகவும் உறுதுணையாகவும் இருந்தது. இதே வழியில் அவரது விசாரணை திரைப்படத்தையும் வெனீஸ் நகர திரைப்பட விழாவிற்கு அனுப்பியிருக்கிறார். இதுகுறித்து வெற்றிமாறனின் நண்பரும், இயக்குனருமான ராம் :

72 வருட வெனிஸ் திரைப்பட விழாவில் , போட்டிப் பிரிவில் முதன் முதலாக ஒரு தமிழ்ப் படம். இயக்குநர், நண்பர் வெற்றிமாறனின் “விசாரணை” திரைப்படம் வெனிஸ் திரைப்பட விழாவில் “orizzonti" போட்டிப் பிரிவில் போட்டியிடத் தேர்வாகியுள்ளது.

தமிழ்த் திரைப்படத்திற்கு உலக அரங்கில் கிடைத்த ஆகப் பெரிய முதல் அங்கீகாரம் இது. பெரும் மகிழ்வுடனும் நிறைவுடனும் வெற்றிக்கு வாழ்த்துக்களும் பிரியங்களும். சிறந்த படம், சிறந்த இயக்குநர் என்ற விருதுகளோடு விசாரணை வெனிஸ்-ல் இருந்து திரும்பி வரும் என்ற நம்பிக்கைகளோடு ராம்.” என்று கூறியிருக்கிறார். 

வெனீஸ் திரைப்பட விழாவில் விசாரணை விருதுகளை வெல்லுமா? தமிழ்ப்படங்களுக்கு உலக அளவில் கிடைத்துவரும் அங்கீகாரம் தொடருமா? என்பதை நாமும் நம்பிக்கையுடன் பொருத்திருந்து பார்ப்போம்.

சகலகலா வல்லவன் – விமர்சனம்!!!

2nd of August 2015

சென்னை:தனது தந்தை பிரபுவின் பேச்சை மீறாத பிள்ளை ஜெயம் ரவி, ஊருக்குள் தனது போட்டியாளராக உலாவரும் எதிர் பார்ட்டி சூரியின் முறைப்பெண்ணான அஞ்சலியுடன் காதலில் விழுகிறார்.. இந்நிலையில் தனது மாமா ராதாரவியின் மகள் த்ரிஷாவின் திருமணத்திற்காக சென்னை செல்கிற ஜெயம் ரவி, திருமணத்தில் ஏற்படும் குழப்பம் காரணமாக, திடீர் மாப்பிள்ளையாக த்ரிஷாவின் கழுத்தில் தாலிகட்டவேண்டிய சூழல் உருவாகிறது.

பட்டணத்து பெண்ணான த்ரிஷா இந்த திடீர் திருமணத்தையும் படிக்காத ஜெயம் ரவியையும் வெறுத்து அவரை அருகில் அண்டவிடாமல் வேண்டா வெறுப்பாக குடும்பம் நடத்துகிறார்.. சென்னையில் தங்கியிருப்பதால் இதெல்லாம் தனது குடும்பத்திற்கு தெரியாமல் பார்த்துக்கொள்கிறார் ஜெயம் ரவி.

ஒருகட்டத்தில் த்ரிஷா தனக்கு டைவர்ஸ் தருமாறு கேட்க, கிராமத்திற்கு வந்து தன வீட்டில் பிரச்சனை எதுவும் பண்ணாமல் நல்ல மருமகளாக நடந்துகொண்டால் ஒரே மாதத்தில் டைவர்ஸ் பத்திரத்தில் கையெழுத்து போட்டுத்தருவதாக சொல்கிறார்.

கிராமத்திற்கு வரும் த்ரிஷாவின் மனதில் ஒரு மாதம் ஆகியும் எந்தவித மாற்றமும் ஏற்படவில்லை என்பதுடன், இவர்கள் இருவருக்குமான பிரச்சனை ஜெயம்ரவியின் தந்தை பிரபுவுக்கும் தெரிய வருகிறது. த்ரிஷாவின் டைவர்ஸுக்கு மகனை ஒப்புதல் அளிக்க சொல்கிறார் பிரபு.. த்ரிஷாவின் எண்ணப்படியே எல்லாம் நடந்ததா என்பது க்ளைமாக்ஸ்.

கிராமத்து முரட்டுக்காளையாக வலம் வரும் ஜெயம் ரவி, கேப் கிடைக்கும்போதெல்லாம் சூரியை வாருவதும், அஞ்சலியுடன் ரொமான்ஸ் பண்ணுவதும் என முற்பாதி, கதை எதுவும் இல்லாமல் ‘கலகலப்பாக’ நகர்கிறது. அதே ஜெயம் ரவி தன்னை உதாசீனப்படுத்தும் த்ரிஷாவை தந்திர வித்தைகளை கையாண்டு வழிக்கு கொண்டு வந்திருந்தால் உண்மையான சகலகலா வல்லவனாக ஜொலித்திருக்கலாம்.

இரண்டாம் கதாநாயகன் என்கிற ரேஞ்சில் ஜெயம் ரவி வரும் காட்சிகளில் மட்டும் அல்ல, அவர் இல்லாத காட்சிகளில் கூட வந்து அதகளம் பண்ணுகிறார் சூரி.. அறுபது சதவீத இடங்களில் போரும் சிகசருமாக அடிக்கும் சூரி, காலிப்ளவர் வாங்கினால் அதில் உள்ள இலை வேஸ்ட் என்பது போல சில இடங்களில் சிங்கிள் தட்டவே சிரமப்படவும் செய்கிறார்.

கவர்ச்சி ப்ளஸ் காதல் கலாட்டாவுக்கு அஞ்சலி, திமிரு ப்ளஸ் ராங்கித்தனத்துக்கு த்ரிஷா என இருவரும் ஏரியாவாரியாக பிரித்து வெளுக்கிறார்கள். நின்றுபோக இருந்த திருமணத்தை நடத்தி, தன்னை திருமணம் செய்து தன் தந்தையின் மானத்தை காப்பற்றிய ஜெயம் ரவியை, காரணமே இல்லாமல் த்ரிஷா மோசமாக நடத்துவதில் லாஜிக் செமையாக இடிக்கிறது.

ஜெயம்ரவியின் தாய்மாமனாக நாட்டாமை & பசுபதியாக இருபது நிமிடமே வந்து டபுள் ஆக்சனில் கலக்குகிறார் விவேக்.. அண்ணனின் சொல்லுக்கு கட்டுப்பட்டு, அதனால் கல்யாணமே ஆகாமல், அண்ணனைவிட வயதானவராக ஆகிப்போகும் விவேக்கை அவரது வேலைக்காரனாக வரும் செல் முருகன் வாரும் இடமெல்லாம் சரியான கலாட்டா. என்ன, டபுள் மீனிங் டயலாக் தான் கொஞ்சம் நெளிய வைக்கிறது.

மீசை எடுத்துவிட்டால் டெரர் காட்டுவதும், தன்னால் முன்பு போல கைதிகளை அடிக்க முடியாததால் தன்னைப்போன்ற ரோபோவை செட் பண்ணி கைதிகளை பெண்டு நிமிர்த்தி, இறுதியில் ஜெயம்ரவி-த்ரிஷாவின் டார்ச்சரால் பைத்தியமாகும் போலீஸ் அதிகாரியாக நான் கடவுள் ராஜேந்திரன் வரும் காட்சிகளில் எல்லாம் அப்ளாசை அள்ளுகிறார்.

பிரபு, ராதாரவியின் பண்பட்ட நடிப்பு படத்திற்கு ப்ளஸ்.. தமனின் இசையில் தெலுங்கு வாடை அடிக்கும் பாடல்கள் அன்னியப்பட்டு நிற்கின்றன. இனறைக்கும் கூட இயக்குனர் சுராஜின் ‘படிக்காதவன்’ படத்தையோ அல்லது அதில் இடம்பெற்ற காமெடி காட்சிகளையோ தொலைக்காட்சியில் ஒளிபரப்பும்போது சேனல் மாற்றாமல் பார்க்கும் பெருங்கூட்டம் உண்டு..

சிரிக்க வைக்கும் படம் தான் என்றாலும், சகலகலா வல்லவனால் அந்த ரிப்பீட் காமெடி பட்டியலில் இடம்பிடிக்க முடியாமல் போனதுதான் கொஞ்சம் வருத்தமாக இருக்கிறது. மற்றபடி கலகலப்புக்கு பஞ்சமில்லாத, காமெடிக்கு வஞ்சமில்லாத படம் என்பதில் சந்தேகம் இல்லை.

மோகன்லால், இளையராஜா இணையும் பிரம்மாண்ட படம்!!!

1st of August 2015

சென்னை:தமிழில், ‘காஞ்சிவரம்’ படத்தை இயக்கிய ப்ரியதர்ஷன் மீண்டும் பிரகாஷ் ராஜ், ஸ்ரேயா ரெட்டி நடிப்பில் ஒரு படத்தை இயக்குகிறார். ஏ.எல்.விஜய், அமலா பால் தம்பதியர் சேர்ந்து தயாரிக்கும் இப்படம் குறுகிய காலத்தில் எடுத்து முடிக்கப்படவுள்ளது. இப்படத்தை தொடர்ந்து ப்ரியதர்ஷன் பிரம்மாண்ட மலையாள படம் ஒன்றை இயக்கவுள்ளார். இப்படம் 28 கோடி ரூபாய் செலவில் தயாராகவிருக்கிறது. மலையாளத்தை பொறுத்தவரை அதிக செலவு செய்து எடுக்கப்பட்ட படம் மம்முட்டி நடித்த ‘பழசிராஜா’ என்று கூறப்படுகிறது.

ப்ரியதர்ஷன் இயக்கவிருக்கும் இந்த பிரம்மாண்ட படத்தில் மோகன்லால் கதாநாயகனாக நடிக்கிறார். அசர்பைஜான் என்ற வெளிநாட்டை சேர்ந்த ’ரௌஃப் ஜி மெஹ்தி’ என்ற கம்பெனியும், கேரளாவை சேர்ந்த ‘ஃபுல் ஹவுஸ் புரொடக்‌ஷன்’ என்ற கம்பெனியும் இணைந்து தயாரிக்கும் இப்படம் மலையாளம் மற்றும் அசர்பைஜான் நாட்டு மொழியான ‘அசரி’யிலும் நேரடியாக எடுக்கப்படவிருக்கிறது. பிறகு ரஷ்யா, டர்க்கிஷ், சீனா மொழிகளில் டப்பிங் ஆக இருக்கிறது.

இப்படத்தில் மோகன்லாலுடன் பிரதாப் போத்தன் உட்பட பல மலையாள நடிகர் நடிகைகளும், அசர்பைஜான் நாட்டை சேர்ந்த கிட்டத்தட்ட 20 கலைஞர்களும் நடிக்க இருக்கிறார்கள். இந்த பிரம்மாண்ட படத்திற்கு இசை அமைக்கும் பொறுப்பினை இசைஞானி இளையராஜாவிடம் வழங்கியுள்ளனர். மோகன்லால் நடிப்பில் ப்ரியதரஷன் இயக்கிய ‘கலாபானி’ (தமிழ் – சிறைச்சாலை) படத்திற்கு இளையராஜா தான் இசை அமைத்திருந்தார். அந்த படத்தை தொடர்ந்து இப்படம் மூலம் ப்ரியதர்ஷனும், இளையராஜாவும், மோகன்லாலும் மீண்டும் இணைகிறார்கள்.

ஆக்‌ஷன் த்ரில்லர் படமாக உருவாக இருக்கும் இப்படத்தின் படப்பிடிப்பு முழுக்க முழுக்க ரஷ்யாவில் நடைபெறவிருக்கிறதாம். தன் தாயை தேடி ரஷ்யா செல்லும் ஒரு பெண்ணின கதையை சொல்லும் இப்படத்தில் மோகன்லாலுக்கு ஜோடியாக மலையாள நடிகை அபர்ணா கோபிநாத் நடிக்கிறார். சாபு சிரில் கலை இயக்குனராக பணி புரியும் இப்படத்தில் சில ரஷ்ய தொழில்நுட்ப கலைஞர்களும் பணிபுரிய இருக்கிறார்கள். இப்படத்தின் படப்பிப்டிப்பு வரும் அக்டோபர் மாதம் 1-ஆம் தேதி துவங்கவிருக்கிறது. இந்த படம் சம்பந்தமான அதிகாரபூர்வ அறிவிப்பு விரைவில் வெளியாகும் என்கிறார்கள்.

புலி இல்லாமல் புலி பட விழா!!!

31st of July 2015

சென்னை:சிம்பு தேவன் இயக்கத்தில் விஜய் நடித்துக் கொண்டிருக்கும் 'இந்த நிலையில், படம் ஆரம்பித்த நாள் முதல் பத்திரிகையாளர்களை சந்திக்காமல் இருந்த படக்குழுவினர் இன்று சந்திப்பதாக தெரிவித்தனர். என்ன புலி படத்தில் புலியாக நடிக்கும் நாயகன் விஜய், மான்களான ஹன்சிகா, ஸ்ருதி என நடிகர்கள் யாரும் கலந்துக்கொள்ளவில்லை. படத்தின் தயாரிப்பாளர்கள் பி.டி.செல்வகுமார், ஷிபு தமீம், ஒளிப்பதிவாளர் நடராஜ், கலை இயக்குனர் முத்துராஜ், இசையமைப்பாளர் தேவி ஸ்ரீபிரசாத், கிராபிக் டிசைனர் கமலக்கண்ணன் ஆகியோர் கலந்துக்கொண்டார்கள்.

படத்தைப் பற்றி தயாரிப்பாளர் பி.டி.செல்வகுமார் பேசுகையில், "ஒரு நல்ல தருணத்தில் உங்களை சந்திப்பேன் என்று கூறியபடி எங்கள் தயாரிப்பாளர் ஷிபு தமீம் மற்றும் இயக்குநர் சிம்புதேவன் இவர்களுடன் இணைந்து படத்தின் இசை வெளியீட்டு விழாவிற்கு முன் பத்திரிக்கையாளர்களை சந்திக்க வேண்டும் என்று விரும்பினோம். தற்போது அது நடந்துள்ளது.

இதுவரைக்கு நடந்தது எல்லாமே எனக்கு வியப்பாகத்தான் இருக்கிறது, விஜய் சார் என்னையும், ஷிபு அவர்களையும் இணைந்து ஒரு படத்தை தயாரிக்க சொல்லி அதில் நடிக்க ஒப்புக் கொண்டது. அதேமாதிரி சிம்புதேவன் சார் இந்த மாதிரி ஒரு அற்புதமான கதையை எடுக்க முன்வந்ததும் சரி எங்களால் நம்ப முடியாத ஒரு சந்தோஷமாகவே இருக்கிறது.

புலி படத்துல இதுவரை இணையாத ஒரு நட்சத்திரங்கள் சேர்ந்து நடித்துக் கொடுத்தது. ஸ்ருதிஹாசன், ஹன்சிகா மோத்வானி, ஸ்ரீதேவி, சுதீப் என இவர்கள் அனைவரும் இந்த படத்தில் நடிக்க முக்கிய காரணம் படத்தின் கதைதான். புலி திரைப்படம் இதுவரை விஜய் படத்தில் இல்லாத ஒரு பிரம்மாண்டத்தை நீங்கள் பார்க்கப்போகிறீர்கள்.

ஸ்ரீதேவி மேடம் இந்த படத்துல நடிக்க நாங்கள் அழைத்த போது அவர் தமிழ் படங்களில் அதிகமாக கவனம் செலுத்தப்போவதில்லை என்று கூறினார். அதன்பின் போனி கபூரிடம் பேசி ஸ்ரீதேவியை சந்தித்து சிம்புதேவன் கதையை கூறிய பிறகு இந்த படத்தில் நான் நடிக்கவில்லையென்றால் அது தவறாகிவிடும் என்று கூறி புலி படக்குழுவுடன் இணைந்தார். அந்தளவுக்கு இந்த படத்தின் கதை இருக்கும்...

அடுத்ததாக புலி படத்துல ஆர்ட் மிகப்பிரம்மாண்டமாக இருக்கும் இதற்கு கலை இயக்குநர் முத்தையா அவர்களுக்கு நான் நன்றி கூறிக் கொள்கிறேன். மஹதீரா, நான் ஈ படங்களுக்கு கிராஃபிக்ஸ் அனிமேஷன் செய்த கமல் கண்ணன் இந்த படத்தில் கிராஃபிக்ஸ் பணிகளை செய்து கொண்டிருக்கிறார். புலி படத்தின் கிராஃபிக்ஸ் 6 நாடுகளில் உருவாகிக் கொண்டிருக்கிறது." என்றார்.

மற்றொரு தயாரிப்பாளர்  ஷிபு தமீம் பேசுகையில், "புலி படத்திற்கான வேலைகள் 2014ம் ஆண்டும் ஜனவரி மாதமே தொடங்கிவிட்டது, சிம்பு தேவன் படத்தில் விஜய் நடிக்கப்போகிறார் என்று செய்தி வெளியான அன்று முதல் இன்றுவரை தொடர்ந்து பத்திரிக்கை மற்றும் இணையதளங்களின் ஆதரவு என்னால் நம்ப முடியாதளவுக்கு இருக்கிறது. இதற்கு காரணம் இளைய தளபதி விஜய் அப்படியில்லையென்றால் ஒருவேளை பி.டி.செல்வகுமார் பத்திரிக்கையாளர்களிடையே வைத்திருக்கும் நல்லுறவாக இருக்கலாம் அதுவும் இல்லையென்றால் சிம்பு தேவன் பத்திரிக்கை துறையிலிருந்து வந்ததால் இருக்கலாம்.

ஒளிப்பதிவாளர் நட்ராஜ் இந்த படத்தில் அவரை ஒளிப்பதிவு செய்ய வைக்கலாமா என்ற சந்தேகத்தில்தான் அவரை அணுகினோம். அவர் அப்போது படங்களில் நடிப்பதை முழுநேர வேலையாக செய்து கொண்டிருந்தார். விஜய் சார் படத்துக்கு நீங்கதான் ஒளிப்பதிவு செய்யணும் என்று சொன்னதுமே ஒப்புக் கொண்டார் அவருக்கு நன்றி.

ஸ்ரீதேவி ஏற்கனவே பி.டி.செல்வகுமார் கூறியதுபோல ஆரம்பத்தில் அவர் நடிக்க ஒப்புக்கொள்ளவில்லை, அவரது கணவர் போனி கபூரை அலைபேசியில் அழைத்து அவரிடம் பேசி அதன்பின் ஸ்ரீதேவியை சந்தித்து கதையை கூறிய பிறகு இந்த படத்தில் நடிக்க ஒப்புக் கொண்டார்.

இதுவரை புலி படத்துக்கு நீங்கள் அளித்த ஆதரவுக்கு என் நன்றி, தொடர்ந்து உங்கள் ஆதரவு எங்களுக்கு தேவை என்று விரும்பி வேண்டிக் கொள்கிறேன்." என்றார்.

ஒளிப்பதிவாளர் நடராஜ் பேசுகையில், "துப்பாக்கி படத்துல நான் ஒரு பாட்டுக்கு ஒளிப்பதிவு செய்து கொடுத்தேன் அப்போதே விஜய் சார் என்னை அழைத்து கூடிய விரைவில் ஒரு புதுமையான கதையம்சத்தில் ஒரு படத்தில் நடிக்கப்போகிறேன் அந்த படத்துக்கு நீங்கதான் ஒளிப்பதிவு என்று கூறினார். நானும் சரி என்று கூறிவிட்டேன்.

அதன்பின் ஒரு நாள் எனக்கு ஃபோன் செய்து இயக்குநர் சிம்புதேவனிடம் கதையை கேட்க சொன்னார் நானும் கதையை கேட்டபின் இப்படி ஒரு சுவாரஸ்யமான கதையில் நான் இருப்பது மகிழ்ச்சியாக இருக்கிறது. அதுமட்டுமில்லாமல் புலி திரைப்படம் குடும்பத்துடன் அனைவரும் வந்து பார்க்கக்கூடிய வகையில் உருவாகியுள்ளது.

தயாரிப்பாளர்களை பற்றி நான் கூறியாக வேண்டும் 2015ம் ஆண்டு அதிக பொருட்செலவில் எடுக்கப்பட்ட படம் என்றால் அது புலி படம்தான். எனக்கு என்ன சாதனங்கள் வேண்டுமென்றாலும் அதனை உடனே வரவழைத்து கொடுத்தார்கள். 140 நாட்கள் படத்தின் ஷூட்டிங் நடந்தது எந்தவொரு நாளும் யார் என்ன கேட்கிறார்களோ அது கிடைத்தது, யாருக்கும் இல்லை என்ற பதில் வந்ததேயில்லை. அந்தளவுக்கு பி.டி.செல்வகுமார் மற்றும் ஷிபு தமீம் உறுதுணையாக இருந்தார்கள்.

அதன்பின் படத்தின் பாடல்கள் மிகவும் அருமையாக வந்திருக்கிறது. திரையில் பார்க்கும்போது அனைவரும் ரசிக்கும்படியாக இருக்கும்." என்று தெரிவித்தார்.

புலி' படத்தின் இசை வெளியிட்டு விழா சென்னையை அடுத்துள்ள மகாபலிபுரத்தில் பிரம்மாண்டமாக நடத்த படக்குழுவினர் திட்டமிட்டுள்ளனர்.

Actress Nithya menon in Surya ’24’ movie!!!

30th of July 2015

சென்னை:Actress Nitya Menen, act last to act in Director Mani Ratnam’s “O Kadhal Kanmani”, and ‘Kanchana2′. She has paired up with actor Suriya for the first time in upcoming Tamil thriller ’24’, also features Samantha Ruth Prabhu. Actress Nitya menon has been acted important role in the movie of Surya ’24’ movie. Currently the shooting of ’24’ movie in Mumbai,” a source close to the actress told IANS. Actress Samantha and Nithya menon are act in main lead role in the movie of ’24’. Because, Suriya plays dual roles in the film and it’s quite possible that Nitya may be one of the leading role. Being directed by Vikram Kumar, the movie of ’24’ is said to be a racing and thriller film. Oscar winner A.R.Rahman will score the music for the film of ’24’.

ஆர்யா, சந்தானம் நடிப்பில் ராஜேஷ் இயக்கத்தில் “வாசுவும் சரவணனும் ஒண்ணா படிச்சவங்க” இசை வெளியீட்டு விழா!!!

30th of July 2015

சென்னை:ஆர்யா, சந்தானம் நடிப்பில் ராஜேஷ் இயக்கத்தில் “வாசுவும் சரவணனும் ஒண்ணா படிச்சவங்க” இசை வெளியீட்டு விழா,

ராஜேஷ் இயக்கத்தில் ஆர்யா, சந்தானம் நடித்திருக்கும்,படத்தின் டீஸர் வெளியாகியிருக்கிறது. இந்நேரம் தமிழகத்தில் உள்ள அனைவரும் அதனை பார்த்திருப்பார்கள். டீஸர் முடிவில் பாடல் வருகிறது. 

 

வாசுவும் சரவணனும் 

ஒண்ணா படிச்சவங்க, 

ஊரில் உள்ள பார்களில் எல்லாம் 

சேர்ந்தே குடிச்சவங்க.

 

குடித்தால் போதை வருகிறதோ இல்லையோ. டாஸ்மாக்கை காண்பித்தால் திரையரங்கில் கைத்தட்டல் காதை பிளக்கிறது. பொண்ணாலதான் குடிக்க வந்தேன் என்று தத்துபித்து வசனம் வைத்தால் விசிலடித்தே ஓய்ந்து போகிறார்கள். கைத்தட்டல் கிடைக்கவும், படத்தை ஓட வைக்கவும் இயக்குனர்கள் கண்டு பிடித்த குறுக்கு வழிதான் குடி சம்பந்தமான காட்சிகள். 

 

ஆண், பெண் பேதமின்றி மாணவர்களே குடிக்கு அடிமையாகும் காலத்தில் நாம் இருக்கிறோம். ராஜேஷை போன்றவர்கள் அதனை அறுவடை செய்ய ஆவேசத்துடன் காத்திருக்கிறார்கள். தெருவுக்கு தெரு திறந்து வைத்திருக்கும் மதுக்கடைகளை மூடுவதற்கு அரசு முன்வர வேண்டும். குறைந்தபட்சம் அதன் எண்ணிக்கையாவது குறைக்க வேண்டும்.

 

குடிக்கு எதிரான மனோநிலையை வாசுவும் சரவணனும் ஒண்ணா படிச்சவங்க டீஸர் தீவிரப்படுத்தியிருக்கிறது. எந்த ஒரு விஷயமும் அதன் எல்லையை தாண்டும் போதுதான் கண்டிக்கப்படும், தடுக்கப்படும். இந்த டீஸரின் மூலம் எல்லையை கடந்திருக்கிறார் ராஜேஷ். அதற்கான எதிர்விளைவை தணிக்கையின் போது அவர் கண்டிப்பாக எதிர்கொண்டே ஆக வேண்டும்.

நாலு போலீஸும் நல்லா இருந்த ஊரும்: திரை விமர்சனம்!!!

29th of July 2015

சென்னை:திருட்டு இல்லை, பொய் சொல்லுதல் இல்லை, அடிதடி மோதல் இல்லை, அந்த ஊரில் உள்ள தலைவரிடம், சாக்கடை அடைத்துக்கொண்டிருக்கிறது என்று சொன்னால், இதோ, என்று அவரே சாக்கடையில் இறங்கி அதை சரி செய்துவிடுகிறார். இத விடுங்க மாமியார் - மருமகள் சண்டை இல்லை என்றால் பாத்துக்குங்க, அந்த ஊர் எப்படிப்பட்ட ஊராக இருக்கும்.

அப்படிப்பட்ட அந்த ஊரில் எதற்காக காவல் நிலையம், என்று கருதும் காவல் துறை, அந்த ஊரில் உள்ள போலீஸ் நிலையத்தை மூடிவிட்டு, அந்த காவல் நிலையத்தில் இருக்கும் நான்கு போலீசார்களை வேறு ஊருக்கு இடமாற்றம் செய்ய முடிவு செய்கிறது.

அந்த நான்கு காவலர்களில் ஒருவர் தான் ஹீரோ அருள்நிதி. மற்ற மூவர், சிங்கம்புலி, பகவதி பெருமாள், ராஜ்குமார் ஆகியோர்.

திருடனை துரத்துவது, கொலையாளிகளை கோர்ட்டுக்கு அழைத்துச் செல்வது, ஊர் சண்டையில் அடிபடுவது, என்று  எந்தவிதமான வேலையும் இல்லாமல், போலீஸ் ஸ்டேஷனில் ஜாலியாக கேரம்போடு விளையாடிக் கொண்டிருக்கும் இந்த போலீஸ்காரர்களை, திடிரென்று போலீஸ் வேலை செய்ய சொன்னால் எப்படி, அதற்காக இந்த நான்கு போலீஸ்காரர்களும் இணைந்து, இந்த ஊரில் நிரந்தரமாக காவல் நிலையத்தை அரசாங்கம் நிறுவ வேண்டும், அதற்காக இந்த ஊரில் தவறு நடக்க வேண்டும், என்று நினைத்து அவர்களாகவே சில சிறு சிறு தவறுகளை, யாருக்கும் தெரியாமல் செய்கிறார்கள்.

அந்த சிறு சிறு தவறுகளால், அமைதியான அந்த ஊரில் எங்கும் நடக்காத அசம்பாவிதங்கள் நடக்கிறது. ஒரு கட்டத்தில் அந்த ஊரின் பாதுகாப்பிற்காக இராணுவமே வருகிறது என்றால் பாருங்களேன். அப்படி அங்கு என்ன தவறு நடந்தது, அந்த ஊர் மீண்டும் பழைய நிலைக்கு வந்ததா, என்பதை காமெடியாக சொல்லியிருக்காங்க.

அருள்நிதி, தொடர்ந்து கதாபாத்திரத்திற்கு மட்டுமே முக்கியத்துவம் கொடுத்து நடிக்கிறார். ஆனால் அதுவே தொடர் கதையாகிவிட்டால், நாளைக்கு ஹீரோ லிஸ்ட்டில் இருந்து ரசிகர்கள் தூக்கிடுவாங்க, என்பதை புரிந்துக்கொண்டு அடுத்தடுத்த படத்திலாவது, ஹீரோவாகவும் நல்ல படமாகவும் நடிப்பார் என்று எதிர்ப்பார்க்கலாம்.

போலீஸ் கெட்டப்பில் பொருத்தமாக இருக்கும் அருள்நிதி, நடிப்பில் எந்த குறையும் இல்லாமல் பணிபுரிந்திருக்கிறார்.

நாயகி ரம்யா நம்பீசனுக்கு பெரிய வேலை ஒன்றும் இல்லை. ஒரே ஒரு பாடல் காட்சி, அதுவும் பிளாக் அண்ட்  ஒயிட் எபெக்ட்டில்.

படத்தில் ஹீரோவைக் காட்டிலும் சிங்கம் புலி தான், ஸ்கோர் செய்கிறார். அதிக காட்சிகள், காமெடி என்று அசத்தியிருக்கிறார்.

நடுவுல கொஞ்சம் பக்கத்த காணோம், படத்தில் அசத்திய பகவதி பெருமாள், ராஜ்குமார் இருவரும் தங்கள் பணியை செவ்வனே செய்திருக்கிறார்கள்.

பி.ஆர்.ராஜனின்  இசையும், மகேஷ் முத்துசாமியின் ஒளிப்பதிவும் படத்திற்கு பலம் சேர்த்துள்ளது.

ஆங்கிலப் படம் ஒன்றின் கதையை தழுவி எடுக்கப்பட்ட படம் இது என்று, இப்படத்தின் தயாரிப்பாளரே சொல்லிவிட்டார். தழுவலாக இருந்தாலும், தான் எடுத்துக்கொண்ட விஷயத்தை இயக்குனர் என்.ஜே.ஸ்ரீகிருஷ்ணா , ரசிக்கும்படி சொல்லியிருக்கிறார். ஆனால், சில இடங்களில் அவர் சொல்லிய விதத்தை ஏற்றுக்கொள்ள முடியவில்லை. இருப்பினும் காமெடியாக சொல்லியிருப்பதால், குறைகளைக்கூட நகைச்சுவையாக எடுத்துக்கொண்டு சிரித்துவிடுகிறார்கள் ரசிகர்கள்.

VSOP Today Poster!!!

29th of July 2015

சென்னை:Tags : VSOP Movie New Posters, VSOP Film Banner images, VSOP Latest Poster, VSOP Movie Wallpaper Pictures, VSOP New Movie Stills Gallery

தமிழ் சினிமாவின் ஹீரோ - வில்லன் பார்முலாவை மாற்றிய ஜெயம் ராஜா!!!

28th of July 2015

சென்னை:விஜயை வைத்து 'வேலாயுதம்' என்ற மாபெரும் வெற்றிப் படத்தைக் கொடுத்த இயக்குனர் ராஜா, சுமார் 3 ஆண்டுகளுக்குப்  பிறகு தனது அடுத்தப் படத்தை இயக்கி வருகிறார்'.

தனி ஒருவன்' என்ற  அதிரடி ஆக்ஷன் படத்தோட களத்தில் இறங்கியுள்ள ராஜாவுக்கு, இந்த முறையும் ஒரு ஹீரோவாக தோல் கொடுத்திருப்பது அவருடைய தம்பி ஜெயம் ரவி.

தம்பியுடன், என்ன தான் தொடர்ந்து பணிபுரிந்தாலும், நான் உருவாக்கியுள்ள இந்த 'தனி ஒருவன்' என்ற படத்தின் போலீஸ் கதாபாத்திரத்திற்கு அவரே சரியானவர் என்று தோன்றியது. மேலும், இதுவரை ரவி போலீஸ் வேடத்தில் நடிக்காததால் அதுவும் எனக்கு பிளாஸாக அமைந்தது, என்று கூறிய இயக்குனர் மோகன் ராஜா (இனி அவர் பயர் மோகன் ராஜா), காலம் காலமாக தமிழ் சினிமாவில் இருக்கும்  ஹீரோ - வில்லன் பார்முலாவை உடைத்திருக்கிறாராம்.

பொதுவாக தான் உண்டு தனது வேலை உண்டு என்று இருக்கும் ஹீரோவின் வாழ்வில் வில்லன் குறுக்கிடுவான். பிறகு அதே ஹீரோவால் தோற்றுப்போவான். இது தான் கோடம்பாக்கத்தின் பார்முலா. ஆனால், இதை மாற்றும் விதத்தில், ஹீரோவே வில்லனைத் தேடி சென்று அழிக்கிறார். இது தான் படத்தின் கருவும் கூட, என்று தெரிவித்த ராஜா, ஒரு கெட்டவன் நல்லவனுடைய வாழ்வில் பாதிப்பு ஏற்படுத்திய பிறகு தான் அவனை அழிக்க வேண்டுமா, ஏன் அவன் தான் கெட்டவாச்சே அவனுக்காக எதற்கு காத்திருக்க வேண்டும், அவனை தேடி போய் நல்லவன் அழித்தால் என்ன?, என்பது தான் இந்த கதையின் மையம், இதற்காக மூன்று வருடங்களாக நானாக நானில்லாமல் உழைத்திருக்கிறேன், என்று அனல் தெறிக்க  தெரிவித்தார்.

ஹீரோ வேடம் சரி, வில்லன் எப்படி? என்றால், இந்த படத்திற்கு சரியான 28th of வில்லன் என்று அரவிந்தசாமியை தேர்வு செய்த பிறகு, நானும் ரவியும் ஒன்றாக சென்று அவர் கிட்ட கதையை சொன்னோம், கதையை கேட்டவர், இந்த படத்திற்கு நான் தேவை, இந்த படம் எனக்கு தேவை, என்று கூறி உடனே ஒப்புக்கொண்டார். அவருடைய வேடம் ஹீரோவுக்கு இணையாகப் பேசப்படும், என்று தெரிவித்தவர் நயன்தாரா குறித்து பேசுகையில், நயன்தாரா இந்த படத்தில் யுனிபார்ம் இல்லாத ஒரு ஐ.பி.எஸ் அதிகாரியாக வருகிறார், அதாவது ஐ.பி.எஸ் பயிற்சியை பாதியிலேயே விட்டுவிட்ட வேடம். டூயட் , ரொமன்ஸ் என்று இல்லாமல், கதையை நகர்த்தக் கூடிய முக்கியமான வேடம் அவருக்கு.

இதெல்லாம் சரி இந்த படத்திற்கு ஏன் இவ்வளவு காலம் என்றதற்கு, ஒவ்வொரு நடிகர்களும் தங்களது சிறப்பான பணியை காண்பிப்பதற்காக நேரம் எடுத்துக்கொண்டார்கள். அரவிந்தாமி சார் இந்த வேடத்திற்காக நான் கொஞ்சம் தயாராகி வருகிறேன், எனக்கு நேரம் கொடுங்கள் என்றார். அதேபோல ரவியின் மற்ற படங்கள் இருந்ததால், அந்த படங்கள் முடியட்டும் என்று இருந்தேன், இப்படி ஒவ்வொரு கதாபாத்திரங்களுக்காகவும் கொஞ்சம் தாமதமானது அதனால் தான். ஆனால், இதுவே இப்படத்தின் கதைக்கான பலம் என்றும் சொல்லலாம்.

தாமதாமானாலும், என்னை செல்ல பிள்ளையாக பார்க்கும் ஏ.ஜி.எஸ் நிறுவனத்தினர், படத்தின் டீசரையும், பாடல் காட்சிகளையும் பார்த்து என்னை பாராட்டியதே, எனது முதல் வெற்றி, என்று பெரும் மகிழ்ச்சியுடன் தெரிவித்தார்.

த்ரிஷாவுக்கு என்ன மாதிரி படங்கள் பிடிக்கும்?!!!

28th of July 2015

சென்னை:மகேஷ் பாபுவுடன் தெலுங்கில் ‘அத்தடு’ என்ற ஒரு படத்தில் நடித்தேன். இது முழுக்க முழுக்க காமெடி படம். அந்த படத்திற்கு பிறகு இப்போது முழுக்க முழுக்க காமெடி படமாக அமைதுள்ள ‘ஜெயம்’ ரவியின் ‘சகலகலா வல்லவன்’ படத்தில் சுராஜ் சார் இயக்கத்தில் நடித்துள்ளேன். 

காமெடி படங்களில் நடிப்பது எனக்கு ரொம்பவும் பிடிக்கும். அது மாதிரி மல்டிஸ்டார் படங்கள் என்றாலும் எனக்கு மிகவும் பிடிக்கும்! ‘

ஜெயம்’ ரவி, அஞ்சலி, சூரி, பிரபு சார் என ‘சகலகலாவல்லவன்’ ஒரு மல்டி ஸ்டார் படமாக அமைந்துள்ளது. மல்டிஸ்டார் படம் என்றால் படப்பிடிப்பு இடைவேளையில் அரட்டை அடிக்க நிறைய பேர் இருப்பார்கள்! ‘ஜெயம்’ ரவியுடன் நான் இணைந்து நடிக்கும் மூன்றாவது படம் இது. ‘அத்தடு’ படத்திற்கு பிறகு ஒரு முழுநீள காமெடி படத்தில் நடித்த திருப்தி இப்போது ‘சகலகலாவல்லவன்’ படத்தில் நடித்தபோது கிடைத்துள்ளது.

இப்படம் எல்லோருக்கும் பிடிக்கும் விதமாக ஜாலியான படமாக அமைந்துள்ளது. எனக்கு இந்த வாய்ப்பை தந்த ‘லட்சுமி மூவி மேக்கார்ஸ்’ நிறுவனத்திற்கு நன்றி’’ என்றார் த்ரிஷா நேற்று சென்னையில் நடைபெற்ற ‘சகலகலாவல்லவன்’ பட புரொமோஷன் நிகழ்ச்சியில்.

உத்தமவில்லன்' நஷ்ட்டத்தை சரிகட்ட லிங்குசாமிக்கு உதவும் கமல்ஹாசன்?!!!

28th of July 2015

சென்னை:நடித்த 'உத்தமவில்லன்' படத்தை பிரபல இயக்குனர் லிங்குசாமி, தனது திருப்பதி பிரதர்ஸ் நிறுவனம் மூலம் தயாரித்தார். இப்படம் எதிர்ப்பார்த்த வெற்றியை தராததால், லிங்குசாமிக்கு பெரும் நஷ்ட்டம் ஏற்பட்டதாக கூறப்பட்டது. 

இதனால், பல்வேறு நிகழ்ச்சிகளில் இயக்குனர் லிங்குசாமி, கமல்ஹாசனை மறைமுகமாக விமர்சித்து வந்தார்.

இந்த நிலையில், 'உத்தம வில்லன்' படத்தில் ஏற்பட்ட நஷ்டத்தை ஈடுகட்டும் விதமாக கமல் நடிப்பில் உருவாகி வரும் ‘தூங்காவனம்’ படத்தின் உரிமையை லிங்குசாமிக்கு அளிக்க கமல் முடிவு செய்துள்ளதாக கூறப்படுகிறது.

இதுகுறித்து அதிகாரப்பூர்வ தகவல்கள் இதுவரை வெளியாகவில்லை என்றாலும், விரைவில் வெளியிடுவார்கள் என எதிர்பார்க்கப்படுகிறது.